танглик

от 1. Танг ҳолат, танг эканлик.

Жойнинг танглиги. Вақтнинг танглиги.

2. Танг, сиқиқ жой.

Тангликка сира тобим ёʻқ.

3. Торлик, кичкина эканлик.

Этигим бир оз танглик қилди.

4. Оғир, мушкул аҳвол; етишмаслик.

Озиқ-овқат танглиги.

Рўзғордан шундай танглик тортдикки, гапирсам, балки ишонмайсиз. — Ойбек, Танланган асарлар

Ем-хашак танглиги сабаб, магазиндан нон олиб боқишга мажбур бўлган. — Ж. Абдуллахонов, Хонадон

5. айн. Кризис, инқироз.

Иқтисодий танглик. Ҳукумат танглиги.

Ўтмишда тез-тез содир бўлиб турган ижтимоий-иқтисодий ва сиёсий тангликлар ирригация ишларига салбий таъсир қилган. — И. Жабборов, Кўҳна харобалар сири