талтаймоқ

фл. 1. Мағрурланиб ўзини ёʻқотмоқ, кеккаймоқ.

Камтар бўл, талтайма, кеккаймагил тик! Дўст учун заҳар ют, ширин жонни тик! — Ё. Мирзо

Муваффақиятлар ҳар қанча катта бўлганида ҳам, раҳбарнинг талтайиб ва кибрланиб кетишга ҳақи ёʻқ. — Газетадан

2. Оёқ-қўлларни ёзиб, ялпайиб ўтирмоқ, ётмоқ, ястанмоқ.

Талтайиб ўтирмоқ.

Ўктам тонг отгандан сўнг қалин, юмшоқ тўшакда талтайиб ётгиси келмади. — Ойбек, Олтин водийдан шабадалар

3. Сийлаган, ҳурмат-иззат қилган ёки эркалаган сари ҳаддан ошмоқ, суюлмоқ.

Талтайиб ўсган бола. Эрка туца онаси, талтаяди боласи. — Мақол

Меъмор бўлса икки шогирднинг сал қуюшқондан чиқиб, талтайишаётганидан энсаси қотиб келарди. — Мирмуҳсин, Меъмор

Ундақа талтайманг. Индамаганим сайин, қуюшқондан чиқиб кетяпсиз. — Ойбек, Олтин водийдан шабадалар