таъкидламоқ

фл. 1. Бошқаларидан ажратиб қайд этмоқ; урғу бериб, махсус эътибор қаратишни қайд этиб айтмоқ.

Кейинги жумлани Жомий зўр имон билан таъкид-лаб айтди. — Ойбек, Навоий

— Ажралишибди! — деди Нурмат, шу сўзни алоҳида таъкид-лаб. — Ў. Ҳошимов, Қалбингга қулоқ сол

2. Уқтириб айтмоқ, тайинламоқ.

Нафиса она, ночор унга жавоб бериб, ўзига эҳтиёт бўлишини, бувисининг сўзидан асло чиқмаслигини қайта-қайта таъкидлади. — Мирмуҳсин, Умид

Элмурод бугунги машқни такрорлаш учун пулемётга ётар экан, генерал шошилмасликни таъкидлади. — Шуҳрат, Шинелли йиллар

3. Тасдиқламоқ, қувватламоқ.

— Балли, — Фазлиддин боши билан хотинининг сўзини таъкидлади. — Ойбек, Танланган асарлар

Тошкин хавфидан қутулиш учун дамба қилиш зарурлигини ҳамма бир оғиздан таъкидлади. — А. Қаҳҳор, Қўшчинор чироқлари