СВЯЗАННАЯ ВОДА

togʻ jinsi zarrachalarining yupqa parda koʻrinishida oʻrab olgan suv (uning ichki qismi mustahkam bogʻlangan, tashqi qismi boʻsh bogʻlangan suvlarni hosil qiladi). Parda qalinligi suv molekulasi diametridan bir necha yuz marotaba katta boʻladi, minerallar yuzasida molekulyar tortish kuchi taʼsirida yopishib turadi. Mustahkam bogʻlangan yoki adsorbsion suv togʻ jinsi yoki tuproq zarrachalariga havodagi suv bugʻlarini yutilishidan hosil boʻladi. Ular jins zarrachalariga katta kuch bilan (1000 Mpa gacha) yopishadi; xossalariga koʻra oddiy suvlardan farqlanib, qattiq jinslarga yaqin turadi, zichligi oʻrta hisobda 2 g/sm³ ga teng, yuqori qovushqoqlikka ega, —78°S temperaturada muzlaydi; zarralar burchagi va qabariq joylarida qalin pardali, egilgan joylarida yupqa pardali suvlar hosil boʻladi. Jins zarralari qizdirilganda B.s. oson ajralib chiqadi., Bogʻlangan suv