Свободный перевод

Tarjima koʻrinishlaridan biri (q. Avtorizovanniy perevod, Slovesniy perevod). Tarjimaning bu turida tarjimon asarni xiyla erkin tarjima qilishi, hatto sheʼriy asarni nasr bilan, nasriy asarni sheʼr bilan ifodalashi mumkin. Erkin tarjimada tarjimon asarning asl mohiyatini saqlagan holda, uning syujeti va kompozitsiyasiga, obrazlar sistemasiga ayrim oʻzgarishlar kiritishi mumkin. Tarjimaning bu turi badiiy adabiyotda har doim ham yaxshi samara bera olmaydi. Chunki erkin tarjima tufayli asar mazmuniga xalal yetmasa-da, baʼzan uning taʼsir kuchi, badiiy ahamiyati susayadi. Erkin tarjimaning muvaffaqiyati tarjimon isteʼdodiga bogʻliq., erkin tarjima

Erkin tarjima. Asl nusxaning gʻoyaviy mazmuni va badiiy xususiyatlarini oʻzgartiruvchi, uni butunlay boshqa izga solib yuboruvchi tarjima prinsipi. Bunday tarjimada muallif uslubi emas, balki tarjimon uslubi ustun turadi. U asliyatni xohlagancha oʻzgartiradi, qisqartiradi, unga oʻzidan qoʻshadi. Baʼzida asl nusxa mazmuni va syujetini saqlagan holda uni oʻz soʻzlari bilan yangidan yozib chiqadi. “Sheʼriy asarlar tarjimasida baʼzan haddan tashqari erkin interpretatsiya va bir-biridan jiddiy farqlanadigan talqinga yoʻl qoʻyiladi: bir asarning ikki shoir tomonidan yaratilgan tarjimasi qariyb bir-biriga oʻxshamay, boshqa-boshqa sheʼrday boʻlib qoladi” (Gʻ.Salomov). Sinxron tarjimada ham ayrim tarjimonlar erkin tarjimaga yoʻl qoʻyadilar (Qarang: Volniy perevod).