Свободный перевод

Таржима кўринишларидан бири (қ. Авторизованний перевод, Словесний перевод). Таржиманинг бу турида таржимон асарни хийла эркин таржима қилиши, ҳатто шеърий асарни наср билан, насрий асарни шеър билан ифодалаши мумкин. Эркин таржимада таржимон асарнинг асл моҳиятини сақлаган ҳолда, унинг сюжети ва композициясига, образлар системасига айрим ўзгаришлар киритиши мумкин. Таржиманинг бу тури бадиий адабиётда ҳар доим ҳам яхши самара бера олмайди. Чунки эркин таржима туфайли асар мазмунига халал етмаса-да, баъзан унинг таъсир кучи, бадиий аҳамияти сусаяди. Эркин таржиманинг муваффақияти таржимон истеъдодига боғлиқ., эркин таржима

Эркин таржима. Асл нусханинг ғоявий мазмуни ва бадиий хусусиятларини ўзгартирувчи, уни бутунлай бошқа изга солиб юборувчи таржима принсипи. Бундай таржимада муаллиф услуби эмас, балки таржимон услуби устун туради. У аслиятни хоҳлаганча ўзгартиради, қисқартиради, унга ўзидан қўшади. Баъзида асл нусха мазмуни ва сюжетини сақлаган ҳолда уни ўз сўзлари билан янгидан ёзиб чиқади. “Шеърий асарлар таржимасида баъзан ҳаддан ташқари эркин интерпретация ва бир-биридан жиддий фарқланадиган талқинга ёʻл қўйилади: бир асарнинг икки шоир томонидан яратилган таржимаси қарийб бир-бирига ўхшамай, бошқа-бошқа шеърдай бўлиб қолади” (Ғ.Саломов). Синхрон таржимада ҳам айрим таржимонлар эркин таржимага ёʻл қўядилар (Қаранг: Волний перевод).