СВОБОДНАЯ ВОДА

togʻ jinslari gʻovaklari, darzliklari va boʻshliqlarida tomchi-suyuq koʻrinishida, oʻz ogʻirlik kuchi taʼsirida harakatlanadigan suv. E.s. erkin gravitatsion va erkin kapillyar suvlarga boʻlinadi. Erkin gravitatsion suv jinslarning yirik gʻovaklarida joylashgan boʻlib, gidrostatik bosimga ega, ogʻirlik kuchi taʼsirida harakatlanadi, uni, shuningdek, tomchi-suyuq suv deb ham atashadi. Gravitatsion suv yuqoridan pastga, qatlam ichida suv oʻtkazuvchan jinslarda harakatlanadi. Erkin kapillyar suv mayda, kapillyar gʻovaklarda joylashadi. Gʻovaklarning suv bilan toʻlgan bir qismi kapillyar kuchlar taʼsirida, qolgan hamma qismi gidrostatik bosim taʼsirida boʻladi. Odatda kapillyar suvlar grunt suvlari sathi ustida kapillyar zona hosil qiladi. Xususiyatiga koʻra oddiy yer osti suvlariga oʻxshaydi., Erkin suv