Светская литература

dunyoviy adabiyot. Hayotga muhabbat bilan qarab, uning noz-neʼmatlaridan bahramand boʻlishga, yashashga chaqiruvchi, inson va hayotni, samimiy muhabbatni ulugʻlovchi adabiyot. Oʻzbek adabiyoti tarixida dunyoviy adabiyot diniy-mistik adabiyotga qarshi kurashda oʻsdi, rivojlandi. Oʻzbek klassik adabiyotining Lutfiy, Navoiy, Bobir kabi vakillari dunyoviy adabiyotning yirik namoyandalari hisoblanadilar. Ularning ijodida bu dunyo lazzatlaridan koʻz yumib, jannat-u hurlarni orzu qilishga undovchi zohidlarni tanqid qilish katta oʻrin tutadi. Masalan: Zohid senga hur-u menga jonona kerak, Jannat senga boʻlsin, menga mayxona kerak. Mayxona aro soqiy-u paymona kerak, Paymona necha boʻlsa, toʻla yona kerak. (Navoiy)