supurgi

супурги

6 ta lugʻatda uchraydi JSON Shevalarda Barcha qidiruv natijalari

Izohli lugʻat

supurgi

ot 1. Supurish-sidirish, tozalash uchun burgan, shuvoq, makkasupurgi va shu kabilardan dastalab bogʻlab yasaladigan roʻzgʻor buyumi.

Shuvoq supurgi. Choʻltoq supurgi.

U taxmondagi, shiftlardagi islarni supurgi bilan olib, polni ikki qayta yuvdi. — Mirmuhsin, Umid

Yangi supurgini ishlatishdan oldin sovunli qaynoq suvda hoʻllab olsangiz, koʻpga chidaydi. — Saodat

2. bot. Choʻl, qirda oʻsadigan sershox, urugʻi zaharli bir yillik oʻsimlik.

3. ayn. Makkasupurgi.

Xotin (yoki xotinak) supurgi Bandi qisqa, odatda uy supuriladigan supurgi.
Erkak supurgi Bandi uzun supurgi. Chol gʻira-shirada uydan chiqardi. Qoʻlida ketmon sopidek uzun sopli erkak supurgi, chelak. — U. Umarbekov, Dutor
Qorovul supurgi Uzun yogʻoch dastali katta supurgi.
Supurgi puli
Yumshoq (yoki muloyim) supurgi Muomalasi yumshoq, muloyim, ammo oʻzi qattiq yoki quv odam haqida. [Alijon] Uchrashganda shunday muloyim supurgi boʻlib ketadiki, uncha-muncha odam laq etib uchib, bundan yaxshi yigit boʻlmasa kerak, deb oʻylaydi. — H. Nuʼmon, Fasllar
Qoʻli kosov, sochi supurgi Hamma uy-roʻzgʻor ishlarini va boshqalar ogʻir yumushlar, topshiriqlarni xizmatkordek bajaruvchi odam haqida. Sizni deb qoʻlim kosov, sochim supurgi boʻlsa-yu, hali sizdan kelgan gap shumi? — A. Muhiddin, Davlat qoralovchisi