SQL tuzilmalashgan soʻrovlar tili

Maʼlumotlar bazalari bilan ishlash uchun moʻljallangan soʻrovlar standartlashtirilgan til. IBM tadqiqotlar markazida 1974 yili ishlab chiqilgan va dastlab SEQUEL (Structured English QUEry Language) deb atalgan. SQL ilk bor maʼlumotlar bazasining tijorat tizimi sifatida 1979 yili Oracle kompaniyasi tomonidan taqdim qilingan. SQLda kiritish-chiqarish operatorlari mavjud emas. Shu sababli, u boshqa tillar ichiga kirib, ular bilan birgalikda ishlaydi. SQL bajaradigan asosiy funksiyalar quyidagilar: - axborotni maʼlumotlar bazasiga yozish; - kerak boʻlgan oʻzgarishlarni kiritish; - maʼlumotlar bazasida interaktiv axborotni izlash va uni chiqarib olish. SQL standarti ANSI tomonidan 1986 yilda tasdiqlangan va 1991 yilda yangilangan.