soʻymoq

сўймоқ

1 ta lugʻatda: Izohli yana 5 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

soʻymoq I

fl. 1. Boʻgʻziga tigʻ tortib oʻldirmoq, boʻgʻizlamoq.

Qoʻy soʻymoq.

Tovuq soʻymoq. Chumchuq soʻysa ham, qassob soʻysin. — Maqol

Latifjon: Xoʻp boʻladi, dodxoh Boʻrdoqini soʻyishga qassobni chaqiraymi? — Hamza, Tanlangan asarlar

[Hoji:] Qudalaringni nima bilan kutishni boʻlsa, oʻzing bilasan: tuya soʻyib charlaganingda ham, kelmaydirgan kishilar! — A. Qodiriy, Oʻtgan kunlar

2. Kesmoq, boʻlaklamoq, kesib-kesib qoʻymoq. (asosan, qovun, tarvuz, anor va shu kabilar haqida).

Qovun soʻymoq.

Kamoliddin maxdum nonni ushatib, patnusdagi anorni oldi-yu, avaylab soʻya boshladi. — M. Ismoiliy, Fargʻona tong otguncha

Roʻzi polvon handalakni epchillik bilan soʻyib, mehmonlarning oldiga qoʻydi. — Sh. Rashidov, Boʻrondan kuchli

Pichoqsiz (yoki tigʻsiz) soʻymoq Qattiq alam yetkazmoq, azob bermoq. Insofsizlar, meni tigʻsiz soʻydilaring. — Sharq yulduzi
Oʻtmas pichoq bilan soʻymoq

soʻymoq II

fl. s. t. Sevmoq, suymoq, yaxshi koʻrmoq.

Teng yeganni tangri soʻyibdi. — Maqol

Ikkoving ham sozandasan, Ota soʻygan doʻzandasan. — Yusuf va Ahmad