соп

sop

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

соп И

от Баъзи асбобларнинг қўл билан ушланадиган қисми; тутқи, даста, банд.

Теша сопи. Қошиқнинг сопи. Ўғирнинг сопи. Ёʻқолган пичоқнинг сопи олтин. — Мақол

Олтмиш ёшлардаги жиккак чол тешасининг сопини белбоғидан ўтказиб, сўрига келади. — С. Аҳмад, Жимжитлик

— Чиқинглар, — Бек атрофга сергак қулоқ тутиб, ҳеч сас эшитмагач, шундай шивирлади ва ханжарининг сопидан янада маҳкамроқ чангаллади. — Ёшлик

Бундай тиғли, сопи гулдор пичоқни фақат Хўжанд усталари ясарди. — Мирмуҳсин, Темур Малик

Кетмоннинг сопини ушламаган Деҳқончилик ишидан хабари ёʻқ, умрида кетмон билан иш қилмаган; хом. Ўзингиз айтинг-чи, ахир, бу елкаси офтоб кўрмаган сояпарварлар, кетмон сопини ушламаган номардлар колхозда нима қилиб беради? — П. Турсун, Ўқитувчи
Сопини ўзидан чиқармоқ Ёнидан маблағ ёки куч сарф қилмай, бошқалар ҳисобига иш битирмоқ. — Актга қўл қўйилиб, уйингизга етиб олгунча, ҳар қандай ис-писдан холи бўлиб қолади. Сопини ўзидан чиқаряпман-да, — деди Одил Эгамбердига. — Б. Раҳмонов, Хўжайин кўчди

соп ИИ

от кам қўлл. айн. Соб.

Ишқ дардида соп бўлмоқ. Ишдан урилиб соп бўлмоқ.

Ҳа, бир алами бордир-да Ё нос соп бўлдимикин? Хумори тутган бўлса керак. — П. Турсун, Ўқи-тувчи

соп ИИИ

от фолк. Энг зўр, асл.

Ўн минг уйли қўнғирот элининг соп деган бойваччалари ўз кайф-у сафоси билан ўтириб эди. — Алпомиш