soʻnmoq

fl. 1. Yonmay, yorugʻ bermay qoʻymoq; oʻchmoq.

Uchqun yilt etib soʻndi. — Sharq yulduzi

Mushakning koʻk, sariq, qizil shuʼlalari tuproq uyumlarini, choyxona tomlarini uzoq yoritib turdi-da, keyin asta soʻndi. — S. Ahmad, Ufq

Domla soʻna boshlagan gulxanga oʻtin tashlay turib, unga sinovchan qarab qoʻydi-yu, atay yelka uchirdi. — M. Mansurov, Yombi

2. Yorugʻlik kuchi, darajasi pasayib, nursizlanib bormoq, xira tortmoq, xiralashmoq.

Chekina olmaydi devorda tasvir, Sekin soʻna boshlar devorda quyosh. — X. Davron, Qaqnus

Derazadan tushib turgan yorugʻlik asta-asta soʻnib, uy ichi qorongʻilashaverdi. — S. Ahmad, Hukm

3. koʻchma Dastlabki kuchi, darajasi, shiddati pasaymoq, susaymoq; oʻchmoq.

Yurakdagi isyonkor tuygʻular asta-sekin soʻnib, xayolini allaqanday maʼyus oʻylar band etdi. — O. Yoqubov, Er boshiga ish tushsa

Ilgarigidek yonishlar, talpinishlar, erkalashlar, hayajonlar soʻngandek — Mirmuhsin, Umid

4. koʻchma Pasaymoq, kuchsizlanmoq (ovoz, tovush haqida).

Olam sukunatini ancha yiroqlashib ketgan poyezdning soʻnib boruvchi taraqa-turugʻidan boʻlak hech narsa buzmasdi. — M. Muhamedov, Qahramon izidan

Soʻnib qolgan kulgi yana olovlana boshladi. — P. Qodirov, Uch ildiz

1. Yonmay, yorugʻ bermay qoʻymoq.SÖNMEK

2. Pasaymoq, kuchsizlanmoq (ovoz).

гаснуть, тухнуть, угасать, меркнуть

v 1. go out, die out, become dim

2. grow dark (dim), fade, wane

1. sóniw, óshiw

2. gúńgirtleniw

3. awıs. páti qaytıw, kúshi qaytıw

4. awıs. páseyiw, kúshsizleniw (dawıs haqqında)