сўнг

soʻng

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

сўнг

сфт. 1. от. Охир, пировард, ниҳоя.

Асарнинг боши ва сўнги. Зўрликнинг сўнги — хўрлик. — Мақол

[Кумуш] Сўзининг сўнгини айтолмади. — А. Қодирий, Ўтган кунлар

Қушбеги мактубнинг сўнгроғига келиб тўхтади-да, чақирди: — Пирмат, Пирмат! — А. Қодирий, Ўтган кунлар

Дейдилар, фазонинг чегараси ёʻқ, Миллиард юлдузларнинг сўнги ҳам фазо. — А. Орипов, Йиллар армони

2. сфт. Охирги, сўнгги.

Сўнг дафъа. Сўнг бор.

3. рвш. Кейин, сўнгра.

Сўнг дарди енгиллашдими, қадамлари илдамлашди. — Шарқ юлдузи

Сўзимиз тамом бўлсин, сўнг боражакман. — С. Сиёев, Ёруғлик

4. кўм. (чиқиш келишиги билан) Бир нимадан кейин.

Бир оздан сўнг.

Саломдан сўнг Аҳмад тўғри муддаога ўтди. — Ф. Мусажонов, Ҳиммат

Устод бир неча сониялик мулоҳазалардан сўнг қатъият ила олдинга юриб, ипни ушлади. — Фан ва турмуш