sogʻlom

sft. 1. Dard-kasaldan xoli; sogʻ.

Sogʻlom odam,

Zero, ona boʻlish baxti farzandlarni sogʻlom va barkamol tarbiyalashdek mashaqqatli mehnat bilan chambarchas bogʻliq. — Saodat

Sogʻlom boʻlib doimo, Yonginamda yurgin sen. — Qoʻshiqlar

2. Sogʻliqni saqlash talablariga toʻla javob beradigan; begʻubor, toza, sof.

Sogʻlom turmush sharoitlari.

3. koʻchma Zararli taʼsirdan, salbiy xislat, illat va shu kabilardan xoli; toza, pok.

Sogʻlom oila. Sogʻlom ijtimoiy muhit.

Mazkur yigʻilishda mutaxassislar bugungi issiq iqlim sharoitida sogʻlom turmush tarzi, toʻgʻri ovqatlanish va kiyinish, shuningdek, sayyohlik masalalariga alohida urgʻu berdilar. — Gazetadan

4. koʻchma Ruhiy jihatdan shikast yetmagan; raso.

Sogʻ tanda — sogʻlom aql. — Maqol

Sogʻlom aql kitobsiz yashay olmaydi. — Gazetadan

5. koʻchma Gʻoyaviy-mafkuraviy, maʼnaviy jihatdan toza, pok.

Sogʻlom fikr.

Jumhuriyatdagi sogʻlom maʼnaviy-ruhiy vaziyatni taʼminlash borasida zoʻr masʼuliyat yuklatilganini anglab turibmiz. — Gazetadan