sogʻinmoq

fl. 1. Ayriliqdagi yaqin kishisini juda koʻrgisi kelmoq; qoʻmsamoq; sogʻinch hissini sezmoq.

Ey dilrabo, ishqing bila devona boʻldim sogʻinib, Bulbul kabi tun-kechalar giryona boʻldim sogʻinib. — Hamza

Erini sogʻinib yurgan Xolisaning yuragi negadir birdan orziqib ketdi. — S. Nurov, Maysalarni ayoz urmaydi

Bilaman, charchagansizlar, bola-chaqalarni sogʻingansizlar. — S. Ahmad, Ufq

2. Umuman, qoʻmsamoq, xumor qilmoq.

Kapalak gulni sogʻinar, bulbul — kuyni. — Maqol

Biz bari bir bahorni har gal sogʻinib ku-tib olamiz. — Saodat

Qarshi bobo har qancha hurmatga arziydi. Agar biron kun uyda qamalib yotsa, dalani sogʻinib qoladi. — A. Kudimov, Halqa

Gʻulomqorining ashulasini juda sogʻinib qoldik. M. Ismoiliy, Fargʻona tong otguncha..

3. Ravo koʻrmoq, istamoq.

Qoʻshningga yomonlik sogʻinma. — Maqol

[Hasanali:]

Endi sizdan shuni ham soʻrayin: xoʻjasiga sodiq• bir qul, sizning taʼbiringizcha, maʼnaviy bir padar, oʻz oʻgʻliga yomonlik sogʻinarmi, bu toʻgʻrida javob beringiz-chi? — A. Qodiriy, Oʻtgan kunlar