sodda

sft. 1. Tuzilishi, tarkibi jihatidan murakkab boʻlmagan, oddiy.

Sodda mexanizm. Kimyoviy sodda moddalar.

2. Yechilishi oson, yengil, joʻn.

Sodda masala.

Teshaboyning hisobi sodda: birga — oʻn! — M. Ismoiliy, Fargʻona tong otguncha

3. Tushunilishi oson, ravon.

Maqola ommabop, ravon va sodda tilda yozilgan edi. — F. Musajonov, Hikmat

Marshal aslida soʻz qidirmasdan, sodda va aniq iboralar bilan gapirsa-da, bu soʻzlarni ohista talaffuz etardi. — Gazetadan

4. Ortiqcha bezagi yoʻq, juda ham oddiy.

Sodda uy.

Soddagina chodirda yolgʻiz yashagan Navoiy dilgir, sertashvish edi. — Oybek, Navoiy

[Kumush] shu soddagina yasanishdan soʻng ikkinchi tokchada tirogʻlik turgan koʻzgu yoniga bordi. — A. Qodiriy, Oʻtgan kunlar

5. Ortiqcha takalluf yoki quvlik-shumlikni bilmaydigan; oddiy, kamtar, soddadil.

Sodda odam.

Sherali bu sodda, samimiy qizning bolalarcha xatti-harakatini koʻrib, taajjublandi. — S. Karomatov, Oltin qum

Sodda xotin erining kuyib-pishib aytgan bu gaplariga astoydil ishondi. Sirni birovga aytmaslikka vaʼda berdi. — S. Ahmad, Saylanma

Noyib kuldi: — Soddasan, Akbarali! Podsholik hamma vaqt yurtning obroʻli odamlarini himoya qiladi. Obroʻ davlat bilan topiladi, muni bilasan. — Choʻlpon, Kecha va kunduz

6. Goʻl, laqma.

Sodda siri — tilida, pismiq saqlar dilida. — Maqol

Men sodda shuning gapiga ishonib oʻtiribman. — A. Qahhor, Qoʻshchinor chiroqlari

7. Soddalarcha qilingan, yuzaki.

Elmurod Tojiboyning sodda va begʻubor mulohazasidan zavqlanib kuldi. — P. Tursun, Oʻqituvchi

1. BASİT, YALIN

2. Ortiqcha hashami, bezagi yoʻq, oddiy.SAF

1. простой, несложный, примитивный

2. простодушный, доверчивый, наивный

3. исключительно, только, сплошь

a simple, easy, common, ordinary

1. ápiwayı, jay, qarapayım

2. ańsat, jeńil

3. elespesiz, artıqsha bezelmegen

4. kishipeyil, sıpayı

5. sada, aq kókirek, ańqaw, ańgódek

6. júzeki, ústirtin, jeńil-jelpi

einfach, bescheiden

sodda kishi ein bescheidener Mann

simple, ordinary, common

• sodda gap simple sentence

ruschaпростой, простодушныйinglizchasimple, open-heartedfransuzchasimple, facile, modestearabchaبَسِيطُ الْقَلْبِ, سَلِيمُ النِّيَّةِ