СКЛАДЧАТОСТЬ ЭКЗОГЕННАЯ

turli ekzogen jarayonlar taʼsirida yer yuziga yaqin joylarda hosil boʻlgan burmalar. Tabiatda ular keng tarqalgan, koʻpincha endogen burmalardan ajratib boʻlmaydi. Ayrim ekzogen burmalarda neft va gaz uyumlari uchraydi. E.b. tarkibiga suv osti — koʻchki burmalari, choʻkindi qamrama burmalari, zichlanish burmalari, boʻkish burmalari, choʻkish burmalari, boʻrtish burmalari, glyatsiodislokatsiya burmalari kiradi. Suv osti — koʻchki burmalari suv havzasi tubidagi choʻkindilarning koʻchishidan yuzaga keladi, turli-tuman gijimlanish doʻngliklari, spiralsimon buralgan linza, agʻdarilgan mayda va yotiq burmachalar, tilsimon va tartibsiz joylashgan oqmalar koʻrinishiga ega. Bunday hodisalar suv havzalari tubining qiya joylarida toʻplangan choʻkindilarning koʻchishidan hosil boʻladi. Qiyalik 30° dan oshganda, ayniqsa, uning tik uchastkalarida, masalan, dengiz va okeanlarning kontinental yonbagʻridan choʻkindilarning asosi bilan uzilib, bir necha oʻn km masofaga siljishi kuzatiladi., Ekzogen burmalanish