sirli

sft. 1. 1 Boshqalardan sir tutilgan, yashirin, maxfiy, siri bor.

Choʻli boboning joy solayotganlar yoniga ketganidan foydalanib, Horunbek Meʼmorga ohista sirli bir gapni shivirladi. — Mirmuhsin, Meʼmor

Ular sersoya daraxtlar ostidagi salqin yoʻlakdan ketib borisharkan, suhbatlari yana quyuqlashib, sirli tus oldi. — K. Yashin, Hamza

2. Zamirida qandaydir bir sir yashiringan; ajib, oʻziga jalb qiluvchi.

Sheʼriyat — gʻoyat bir sirli olam. — Gazetadan

Uning uzun kipriklari oydinda qop-qorayib koʻri-nar, allaqanday sirli goʻzallik berardi chehrasiga. — Oʻ. Hoshimov, Qalbingga quloq sol

Toʻy soʻzini eshitgan Oynisaning vujudini sirli bir alanga qamradi, yuz-koʻzi oʻt boʻlib yondi, toshkentlikning otini ham tashlab, uyi tomon qochdi. — H. Gʻulom, Toshkentliklar

Bu gapingam toʻgʻri, sevgi insonning juda sirli tuygʻusi deb bekorga aytmaganlar. — S. Karomatov, Oltin qum

3. Nimanidir, qandaydir sirni yashirgan, allaqanday bir siri boʻlgan.

Saidgʻozi tinglovchilarni entiktirish uchun bir oz toʻxtab, zalga sirli nazar tashladi. — S. Anorboyev, Oqsoy

U [Bahrom] menga qarab sirli kuldi. — M. Qoriyev, Oydin kechalar

— Akang kelyapti, — sirli tovush bilan dedi Ergash, — tagʻin anov kunga oʻxshab bir doʻpposlasa nima qilasan — H. Ahmar, Kim haq?

4. Qoʻrqinchli, vahimali; yurakka qoʻrquv soladigan.

Shamol oʻrmonni sirli, vahimali sadolar bilan toʻldirdi. — Oybek, Quyosh qoraymas

Bir maromda pishqirayotgan okean ayolning koʻngliga vahm solar, qop-qora toshlar qoʻrqinchli va sirli koʻrinardi. — Yoshlik

5. Ilmiy jihatdan oʻrganilmagan, ochilmagan, aniqlanmagan, maʼlum boʻlmagan.

Hamza koʻnglida Hindiston safari ishtiyoqi tugʻilgan paytdan boshlab bu sirli mamlakat haqidagi yozma va ogʻzaki maʼlumotlarni oʻrgana boshlagan edi. — K. Yashin, Hamza

Tuzdi-yu Mirzo Ulugʻbek Koʻragoniy jadvalin, Sirli osmon toqiga ilk Qoʻydi narvon oʻzbegim. — E. Vohidov, Muhabbatnoma

sft. 1. ayn. Sirkor II.

Agʻyorning sirli mehmonxonasidan doʻstingning somonxonasi yaxshi. — Maqol

— Bu yaxshi! Buxorodek shahri azimda yuzta kulol boʻlsa ham oz. Bozorlarda idishlar koʻpaysin, yangi binolarga sirli sopollar koʻproq yetkazib berilsin, — dedi Meʼmor. — Mirmuhsin, Meʼmor

2. Sir yoki emal bilan qoplangan, sirlangan.

Sirli chelak.

Kuliga sirli sopol kosa tutgan bir qizcha qadamlarini avaylab bosib keldi-da, kosani Oyimxonga topshirdi va tez chiqib ketdi. — P. Tursun, Oʻqituvchi

U taxta eshik zanjirini tushirib, ichkari kirdi. Kigiz oʻrtasidagi tugunga koʻzi tushdi. Ochsa — sirli togʻorada osh, ikki shisha aroq, non bozori kulchalar — Yoshlik

1. Boshqalardan sir tutilgan, yashirin, maxfiy.GİZLİ

2. Sirlangan, sir (moy, boʻyoq) berib ishlangan.

1. секретный, тайный, таинственно, секретно, тайно

2. таинственный, загадочный

• sirli hodisa загадочное явление
• sirli voqea таинственное событие

крашенный, покрытый глазурью, эмалированный

adv secret, confidential (hujjatlar haqida)

1. sırlı, jasırın, qupıya

2. sır jasırınğan

3. sırı bar

4. qorqınıshlı

5. anıqlanbağan, izertlenbegen

6. sırlı, sır boyalğan, sır menen qaplangan

geheim, heimlich

• sirli ravishda heimlicherweise

emailliert

ruschaтайный, секретный, загадочныйinglizchasecret, confidential, covert, in secret, secretly, confidentiallyfransuzchasecret, confidentiel, secrètement, en secret, confidentiellementarabchaسِرِّيٌّ, مَهِيبٌ, لَا مُخِيفٌ, غَرِيبٌ