silliq
силлиқsilliq
sft. 1. Tekis, tep-tekis, gʻadir-budursiz.
Tosh shu qadar silliqki, goʻyo haykaltarosh xoʻp hafsala bilan yoʻngan-u, koʻtarolmay tashlab ketgan deysiz! — H. Nazir, Soʻnmas chaqmoqlar
Sherali Ogʻajonga qoʻl uzatib koʻrisharkan, uning xotinlarnikidek silliq yuziga qarab, eshitilar-eshitilmas gʻoyat mamnunman, deb qoʻydi odob yuzasidan. — S. Karomatov, Oltin qum
2. Sirpanchiq, sirgʻanchiq, oynadek.
Silliq muz.
[Bektemir) Nam, silliq qiyalikdan sirpanib, yana suvga shalop etib tushdi. — Oybek, Quyosh qoraymas
3. Bejirim, tekis, jiloli.
[Joʻraxonning] Durrasi silliq sochlaridan sidirilib, pastga tushdi. — M. Ismoiliy, Fargʻona tong otguncha
4. koʻchma s. t. Qad-qomati kelishgan, bejirim, chiroyli.
Sirti silliq juvon.
Durust, silliqqina yigit ekan, deb oʻyladi u yuragi tirnalib. Oʻ. — Hoshimov, Qalbingga quloq sol
Olimxon zamonasiga muvofiq, oliftanamo, yoshiga nisbatan chiroyli, silliq kishi edi. — Oybek, Tanlangan asarlar
5. koʻchma Kamchiliksiz, ravon (til, uslub, nutq va shu kabilar haqida).
Silliq uslub. Silliq gapirmoq. Silliq nutq.
Pochchayevning toʻgʻri, silliq gaplari uzoqdan dona-dona yangrab eshitilardi. — A. Muxtor, Tugʻilish
6. Kishiga yoqadigan, qattiq tegmaydigan, yumshoq.
Silliq muomala.
[Sobir aka:] Silliqqina qilib javob berdim. Sen nima deysan, ayasi?0. — Yoqubov, Pyesalar
7. Muammosiz; koʻngildagidek, toʻsiqsiz; bekam-koʻst; bejanjal.
Ammo oldindan tuzilgan rejalar hamisha ham silliqqina amalga oshavermaydi. — S. Karomatov, Oltin qum
Bu uchinchi xotinimdan ham xamirdan qil sugʻurgandek — silliqqina qutulmoqchi edim, biroq otim ishning pachavasini chiqarib qoʻydi. — Mushtum
8. Tovushsiz; sezdirmasdan.
Dilimardon mushukday silliqqina kirib kelganini va sinf jurnalini almashtirayotganini hech kim sezmay qoldi. — Gazetadan
9. maxs. Bir tekisda, bir maromda, ravon, shovqinsiz.
Toʻgʻri, ishni qoyil qilasan, mashinalar doim silliq aylanadi. — F. Musajonov, Kamtarin ishchi
- Silliq koʻchmoq Toʻsiqsiz, qarshiliksiz, bejanjal bajarilmoq, yechimini topmoq (biror xatti-harakat haqida). Ishning silliq koʻchayotganidan boshi koʻkka yetgan Vafo attor: Xoʻsh, xoʻsh, bajonidil, bajonidil, deya u bilan uzoq xayrlashdi. — N. Aminov, Qahqaha
- Suvdan silliq chiqmoq Biror janjalli yoki jinoiy ishdan beayb tarzda, javobgarliksiz qutulmoq. U tashvishdan, toʻgʻrirogʻi, javobgarlikdan oʻzini xoli qilish maqsadi-da tanqid qilingan va qilinmagan choyxonalarning deyarli hammasini berkitishni lozim topdi. Moʻminov goʻyo bu bilan suvdan silliq chiqmoqchi boʻldi. — Gazetadan
SILLIQ
1. Hech qanday gʻadir-buduri yoʻq.DÜZ
2. Kishiga qattiq tegmaydigan; yumshoq.
silliq
1. гладкий, полированный, шлифованный
2. перен. гладкий, складный
3. перен. миловидный, смазливый
silliq
a smooth, polished, unprinted, plain (gazmol)
- silliq tosh polished stone
- silliq muz slippery ice
SILLIQ
1. tegis, tep-tegis, sıypaq, taypaq, gedir-budırsız
2. tayğanaq, sırğanaq
3. jıltır, jılwalı
6. jumsaq, jağımlı
7. mashqalasız, kewildegidey, tosıqsız, jánjelsiz
8. sezdirmey, bilindirmey
9. bir tegis, bir tempte, shawqımsız
silliq
glatt, eben
- silliq soch glattes Haar