шох

shox

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

шох И

от 1. Ўсимлик, дарахт ёки бута танасидан ён-берига ўсиб чиққан ўсимта.

Дарахтнинг шохини кесмоқ.

Келди ёз чоғи, Мевалар пиш-ди. Олмалар шохи Эгилиб тушди. И. Муслим.

Ҳа, Қодировга ишларинг тушмабди, сизлар дарахтнинг шохида бўлсаларинг, мен баргида юраман. — Ш. Рашидов, Бўрондан кучли

2. Синиб тушган, кесилган новда, бутоқ ёки шох-шабба.

Шохларни ёқмоқ.

Рахналарига янтоқ ва шох босилган паст девор-ли ҳовлиларнинг бузилган уйлари ташқаридан кўриниб турар эди. — С. Айний, Қуллар

Шох отмоқ Шох чиқармоқ, шохламоқ. Капитан бекатга келиб, наъматак олдида тўхтади. У катта сададек шох отган. — Ў. Умарбеков, Ёз ёмғири

шох ИИ

от Баъзи ҳайвонларнинг бошидан ўсиб чиқадиган суяксимон қаттиқ ўсимта; мугуз.

[Ҳўкиз] Найзадек ўткир шохларини унга тўғрилаб хуруж қилиб кела бошлади. — К. Яшин, Ҳамза