шлем

от 1. Кадим замонларда ва ўрта асрларда қилич, гурзи, ўқ ва шу кабилар зарбидан сақланиш учун бошга кийиладиган темир қалпоқ; дубулға.

2. Бош ва бўйинни урилиш, лат ейиш, босим ва шу кабилардан сақлаш учун махсус тайёрланган бош кийими.

Космонавтлар шлеми. Танкистлар шлеми. Ўт ўчирувчилар шлеми.

Одам ғаввослар шлемини кийиб, шўр сувга тушади, бундай сувнинг солиш-тирма оғирлиги одам танасининг солиштир-ма оғирлигига баравар бўлади. — Ё. Тўрақулов, Космосга учиш

Инсоннинг виртуал борлиққа ботиши учун бошига кийиладиган махсус шлем. Шлем бош кийим шаклида ясалган бўлиб, ўзи унча оғир эмас ва уч асосий қисмлардан ташкил топади. Улардан биринчиси ҳажмий тасвир ҳосил қилиш учун мўлжалланган. У суюқ кристалли индикаторлар асосида яратилган икки экран шаклида ясалган. Бу экранлар фойдаланувчининг кўзлари қаршисида жойлашган бўлади. Шлемнинг иккинчи қисми ҳажмий товуш олиш учун хизмат қиладиган қулоқ радиокарнайларидир. Шлемнинг учинчи қисми бош бурилишларини кузатишни таъминлайди. Бу виртуал борлиқда фойдаланувчи ҳолатини тақлид қилиш имконини беради.инглизчаhead-mounted device (HMD)русчашлем

бошни якка муҳофазалаш воситаси.