шар

shar

1 та луғатда: Изоҳли яна 4 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

шар И

от 1. мат. Фазодаги берилган нуқтадан (марказдан) муайян узоқликда жойлашган нуқталарнинг геометрик ўрни: ярим доиранинг ўз диаметри атрофида айланишидан ҳосил бўлган геометрик жисм.

Шарнинг сиртини ўлчаш. Шарнинг радиуслари.

2. Шундай шаклга эга бўлган нарса.

Уларнинг шакли ҳам қизиқ: бири тухумга, бири билярд шарига ўхшайди, баъзиси қайроқ тошдай узунчоқ ва силлиқ. — Ҳ. Назир, Сўнмас чақмоқлар

Аммо бўм-бўш коридорда тўсатдан Замира дуч келиб қолди. Кўз кўзга тушди-ю, электр шарлар чақин чаққандай бўлди. — П. Қодиров, Уч илдиз

3. Болалар ўйнаши учун ичига ҳаво ёки ҳавога нисбатан енгил газ тўлдирилган, думалоқ шаклдаги резинка пуфак.

Шар ёрилди.

Аввалги байрамлардагидек ҳавода ранг-баранг шарлар учиб юрмаяпти. — И. Раҳим, Чин муҳаббат

Ер шари Ер сайёраси. Берма эркингни қўлдан, Яшамоқ чоғинг! Ернинг шаридир сенинг Мулк-у чорбоғинг. — Ҳамза

шар ИИ

от 1. 1 Газмолнинг куч билан йиртилишидан ҳосил бўлган товушни билдиради.

Сурп шар этиб йиртилди.

2. Суюқликнинг шиддат билан оқишидан ҳосил бўладиган товушни билдиради.

У қозонга бир пақир сувни шар этказиб қуйиб юборди.

Мақоладаги хато ҳақида хабар бериш