shar

шар

1 ta lugʻatda: Izohli yana 4 ta lugʻatda — hammasini koʻrish JSON Shevalarda Barcha qidiruv natijalari

Izohli lugʻat

shar I

ot 1. mat. Fazodagi berilgan nuqtadan (markazdan) muayyan uzoqlikda joylashgan nuqtalarning geometrik oʻrni: yarim doiraning oʻz diametri atrofida aylanishidan hosil boʻlgan geometrik jism.

Sharning sirtini oʻlchash. Sharning radiuslari.

2. Shunday shaklga ega boʻlgan narsa.

Ularning shakli ham qiziq: biri tuxumga, biri bilyard shariga oʻxshaydi, baʼzisi qayroq toshday uzunchoq va silliq. — H. Nazir, Soʻnmas chaqmoqlar

Ammo boʻm-boʻsh koridorda toʻsatdan Zamira duch kelib qoldi. Koʻz koʻzga tushdi-yu, elektr sharlar chaqin chaqqanday boʻldi. — P. Qodirov, Uch ildiz

3. Bolalar oʻynashi uchun ichiga havo yoki havoga nisbatan yengil gaz toʻldirilgan, dumaloq shakldagi rezinka pufak.

Shar yorildi.

Avvalgi bayramlardagidek havoda rang-barang sharlar uchib yurmayapti. — I. Rahim, Chin muhabbat

Yer shari Yer sayyorasi. Berma erkingni qoʻldan, Yashamoq chogʻing! Yerning sharidir sening Mulk-u chorbogʻing. — Hamza

shar II

ot 1. 1 Gazmolning kuch bilan yirtilishidan hosil boʻlgan tovushni bildiradi.

Surp shar etib yirtildi.

2. Suyuqlikning shiddat bilan oqishidan hosil boʻladigan tovushni bildiradi.

U qozonga bir paqir suvni shar etkazib quyib yubordi.

Maqoladagi xato haqida xabar berish