шамоллатмоқ

фл. 1. Шамолламоқ феълининг орттирма нисбати.

Қумриой, Ғани отага айтинг, Тўлқинни олиб келсин, шамоллатиб қўймасин. — Ҳ. Ғулом, Машъал

2. Бирор жойнинг ҳавосини янгиламоқ.

Бугун эртароқ қайтди. Кун бўйи иссиқ қамалиб, димиқиб қолган хонани шамоллатиш учун деразаларни очиб юборди. — Ж. Абдуллахонов, Хонадон

3. Тоза ҳаво, шамолда тутиб, гард-ғубор ва шу кабилардан холи қилмоқ.

Хафа бўлма, ҳар замон келиб, шамоллатиб турмасам, чириб, ириб кетасан. — А. Қаҳҳор, Асарлар

Ҳар куни рўмолни ечиб [бошимизни] икки соат-икки соат шамоллатиб юрамиз. — Э. Раимов, Ажаб қишлоқ

Баҳорда, иссиқ кунларда уларни дорга ёйиб ташлар, шамоллатарди. — Р. Файзий, Ҳазрати инсон