Семантография

– Semantografiya (yugurik yozuv; tez yozuv). Ketma-ket tarjimada maxsus yozuv (qayd)ning oʻrni alohida. Yozuv yoki ogʻzaki tarjimada tez yozuv muayyan qoidalarga muvofiq amalga oshiriladi. Semantografiya (yugurik yozuv; tez yozuv) ogʻzaki (quloq bilan eshitib) qabul qilingan original matndagi kalit fikr yoki jiddiy maʼlumotni taʼkidlash va bu maʼlumotni shartli belgilar, qisqartmalar va simvol (belgi)lar yordamida yozma ravishda qayd etish (yozib olish)ni bildiradi. Tarjimon yozuvga asosan tarjima matnini yaratadi, bunda yozuv mazmunning asosiy kvantlarini grafik jihatdan aks ettirish va ular orasida munosabat oʻrnatishga xizmat qiladi (Sdobnikov, Petrova:267). Ketma-ket tarjima sohasida egallanadigan koʻnikmalardan biri – har qanday hajmdagi nutq (nutq parchasi)ni qogʻozga yozib olish (qayd qilish) va uni tarjima qilish (takrorlash)ni oʻrganish hisoblanadi. “Semantografiya” sohasi aynan shunday talabga javob beradigan yangi fanlar qatoriga kiradi. Ushbu yozuv tezkor, yaʼni ketma-ket tarjima qilishning ajoyib sirlari turiga kiradi. Ketma-ket tarjima sirasida tez yozuv tarjimondan nutqning barcha tafsilotlariga diqqat-