saylamoq

fl. 1. Yashirin yoki oshkora usulda ovoz berish yoʻli bilan davlat yoki oʻzini oʻzi boshqarish organlari aʼzoligiga oʻtkazmoq, tayinlamoq.

Raislikka saylamoq. Deputatlikka saylamoq.

Uni bir ovozdan direktorlikka sayladilar. — Gazetadan

Qandolatni ham prezidiumga sayladilar. — Oydin, Hikoyalar

2. Tanlamoq, tanlab, saralab olmoq.

Xohlab mening tulporlarimdan birovini saylab ol, joʻnamoq boʻlsang, yaxshi bor. — Murodxon

Qutlugʻ boʻlsin saylab olgan yoringiz. — Bahrom va Gulandom