sart

ot 1. tar. Qadimda Oʻrta Osiyodagi shahar va qishloqlarda yashab, dehqonchilik, savdo va hunarmandchilik bilan shugʻullanib kelgan turkiy xalqlar (jumladan oʻzbeklar).

2. Chor Rossiyasi hukmronligi davrida hozirgi Oʻzbekiston hududidagi mahalliy xalqqa yevropaliklar tomonidan berilgan nom.

Nahotki, sart odam boʻlmasa? Gunohim nima ekan axir! — deb oʻyladi Botirali. — S. Ahmad, Saylanma

Bir necha qadam narida, koʻchaning oʻrtasida, bir oʻris mirshab, ikki sart mirshab, qilichini yalangʻochlab, Yormatni olib kelishar edi. — Oybek, Tanlangan asarlar