саранжомламоқ

фл. 1. Саранжом қилмоқ, тартибга солмоқ, йиғиштирмоқ, саранжом-саришта қилмоқ, (буюмларни) жой-жойига қўймоқ.

Умар идорадаги қоғозларни саранжомлаб, ўзи ҳаммадан кейин кетди. — С. Юнусов, Кутилмаган хазина

2. кўчма с. т. Ўзлаштириб юбормоқ, ўғирламоқ, гум қилмоқ, ёʻқ қилмоқ.

Мукофотга бериладиган машинани ҳам саранжомлабди, азаматлар. — Газетадан

3. кўчма с. т. Зимдан тинчитмоқ, жонига қасд қилмоқ; гумдон қилиб юбормоқ.

— Иккитасини ер тишлатаман, — деди шивирлаб Худойбердиев шеригига, —

Аввал олдингисини саранжомлайман. — Н. Сафаров, Оловли излар