сағир

от 1. Ҳали вояга етмаган етим бола.

Сағир ҳаққига тегиб бўлмас. Сағирнинг ҳақи — сопқоннинг ўқи. — Мақол

— Десангиз, Ойнахон, ўзи [Маъмуржон] бир сағир бола, ҳеч кими ёʻқ, — деди меҳмон хотин. — Ш. Холмирзаев, Тўлқинлар

Душман кўрсанг, қўймай издан қувлагин, Сағир кўрсанг, анинг кўнглин овлагин. — Эрали ва Шерали

Мадамин шовқин солди: — Худойқул менинг жигарим, аммамдан қолган сағир. Етти ёшидан боқиб одам қилдим. — П. Турсун, Ўқитувчи

2. Ёш бола, кичкина бола.

Маҳалла бу ҳангомадан уйғониб, Эшигига келди сағир-у кабир. — Муқимий