сафар

safar

1 та луғатда: Изоҳли яна 7 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

сафар И

от 1. Хизмат ёʻли билан ёки саёҳат қилиш, учрашиш мақсадида бирор ерга бориш; ёʻл.

Узоқ сафар. Бир ойлик сафар. Сафарга чиқмоқ. Сафарга отланмоқ. Сафардан қайтмоқ. Дўст сафар-да синалар. — Мақол

Сидиқжон икки кундан кейин сафар ҳозирлигини кўриб, тушга яқин ёʻлга чиқди. — А. Қаҳҳор, Қўшчинор чироқлари

Бир-икки ойлик сафардан қайтиб келсам, уйимда анчагина хатлар йиғилиб қолибди. — Шукрулло, Жавоҳирлар сандиғи

Сафаринг бехатар бўлсин, савдогар, Эсон-омон келгин Хитой элидан. — Ойсулув

2. Гал, марта; бор.

Ўтган сафар. Бу сафар. Ҳар сафар.

Ҳар сафар ҳаққушнинг ноласи эшитилса, Гавҳар аясининг пинжига кириб кетар эди. — Ў. Ҳошимов, Қалбингга қулоқ сол

Кимдир бўғилиб бақирди. Бу сафар Чарос аниқ эшитди. — Ў. Ҳошимов, Қалбингга қулоқ сол

Нариги дунёга сафар қилмоқ Чекканим ғанимат, — деди Али тажанг. — Ҳозир борман, бир минутдан кейин нариги дунёга сафар қиларман. — Ойбек, Танланган асарлар
Сафар қариди

сафар ИИ

от 1. Қамария йил ҳисобида 29 кундан иборат иккинчи ойнинг арабча номи.

[Мулладўст ўзига-ўзи:] Билмайман, мучалим тўнғиз бўлиб, сафар ойининг ўн бирида туғилибманми! — Ҳамза, Майсаранинг иши

Воқеа сафар ойи иккинчи жумасининг ярим кечаси юз бериши керак эди. — А. Мухтор, Чинор

2. Сафар (эркаклар исми).