roʻpara

рўпара

6 ta lugʻatda uchraydi JSON Shevalarda Barcha qidiruv natijalari

Izohli lugʻat

roʻpara

rvsh. Bir narsaga yoki kuzatuvchiga, soʻzlovchiga qarama-qarshi tomon; qarshi.

Roʻparadagi uy.

Deraza roʻparasidagi tuynukdan Ruzvonning boshi koʻrindi. — S. Zunnunova, Yangi direktor

Teatr-rassomchilik institutining shundoqqina roʻparasida, koʻchaning berigi betida, uch tup yosh chinor bor. — Oʻ. Hoshimov, Qalbingga quloq sol

Roʻpara boʻlmoq (yoki kelmoq) 1. Yuzma-yuz uchrashmoq, uchrashib qolmoq. Biroq uning tili qisiq; onasiga soʻz qaytarish emas, roʻpara boʻlishga ham yuragi bezillar edi. — A. Qahhor, Qoʻshchinor chiroqlariShu-shu Adolat Begimxon bilan gaplashmay qoʻydi. Mana endi ular yana roʻpara keldilar. — I. Rahim, Chin muhabbatTitrab, ot choptirib kelayotgan Badia dushman otliqlaridan biriga roʻpara boʻlib, jon-jahdi bilan qilich soldi. — Mirmuhsin, MeʼmorPoyezd toʻxtaganda, yugurgilab bitta provodnikka roʻpara boʻldim. — S. Siyoyev, Yorugʻlik
Roʻpara qilmoq 1. Yuzma-yuz qilmoq, uchrashtirmoq. Sen menga Suluvni roʻpara qilaver-chi [dedi Allon Palmonga]. — A. Muxtor, Qoraqalpoq qissasiEndi boʻlsa ikki bolali odamni roʻpara qilib oʻtiribdi, — deb oʻyladi Aziza hamon shiftdan koʻz uz-may yotarkan. — Oʻ. Hoshimov, Qalbingga quloq solSeni ilk dafʼa Feruzga roʻpara qilganimda, imonimdan chekindimmi? Ha, bir baxya chekindim. — S. Siyoyev, AvazJapaqdan qutuldik, Elgeldi endi unga qizini emas, ajalini roʻpara qiladi. — A. Muxtor, Qoraqalpoq qissasi;Eshonning jilov toʻgʻrisidagi fikri Elmurodning gʻazabini keltirdi. Endi u dangal faktlarni roʻpara qilishga qaror berdi. — P. Tursun, Oʻqituvchi

Oʻzbekcha-turkcha izohli lugʻat

ROʻPARA

Bir narsaga yoki kuzatuvchiga qarama-qarshi tomon.KARŞI, ÖN

Ruscha-oʻzbekcha va oʻzbekcha-ruscha lugʻat

roʻpara

лицом к лицу, напротив, навстречу

roʻpara boʻlmoq встретиться лицом к лицу (с кем-л.)
roʻpara qilmoq сталкивать лицом к лицу; показывать, представлять (кого-что-л. кому-л.)
roʻparama-roʻpara лицом к лицу, друг против друга.