Риторическое обращение, риторическое восклицание

Nido, xitob shaklidagi stilistik usullardan biri boʻlib, avtorning poetik nutqidagi oʻzi xohlagan intonatsiyasini — tantanavorlik, koʻtarinkilik, gʻazabkorlik, kesatish kabilarni ifodalashda tasviriylikni oshiradigan omildir. Ritorik undovlar soʻroq yoki intonatsiya xarakteriga ega boʻlib, kishining soʻroq, quvonch, nafrat, qoʻrqinch, hayratlanish, iltimos, buyruq, talab xarakteridagi hissiyotini ifodalash uchun xizmat qiladi. Shuning uchun ham ritorik murojaat poeziyada koʻp ishlatiladi. Masalan, Hamid Olimjonning «Baxtlar vodiysi» sheʼridan keltirilgan quyidagi ritorik murojaatda shoirning oʻz davri yutuqlaridan mamnunlik, xursandchilik hissiyoti koʻtarinki pafos, joʻshqin vatanparvarlik tuygʻulari ifodalangan: Ey, baxtli vodiyning bolsheviklari, Ey, oʻlkani elektrik daryolariga Yosh boladek choʻmiltmoqchi boʻlgan fidokor! Ey, bolaga toza koʻylaklar Kiygizuvchi oʻrtoq paxtakor! Koʻm-koʻk vodiylarni koʻz qorasiday asra! Barglariga gard ham yuqtirmay. A. Oripovning quyidagi misralarida esa ritorik undov bevafo, sadoqatsiz ayollarga nisbatan shoirdagi gʻazabkorlik, nafrat tuygʻularini jozibali ifodalashda ishlatilgan: Siz-chi, ey, sadoqat satridan nolib, Nadomat komida qolganlar ayting. Oʻzini ming bitta bozordan olib, Ming bitta bozorga solganlar ayting., ritorik murojaat, ritorik undov