Ретардация

Қўшимча персонажлар, эпизод ёки воқеалар, лирик чекинишлар, табиат тасвирлари кабиларни киритиш орқали асардаги воқеалар ривожини кечиктиришдан иборат бадиий усул. Ретардация сентиментал ёзувчиларга хос бўлишидан ташқари, саргузашт адабиётида ҳам кенг қўлланилади. Фолклор асарларида эса у кўпроқ айрим эпизодларни такрорлаш орқали секин-аста сюжет воқеаларини ривожлантириш шаклида намоён бўлади. Масалан, жаҳон халқларининг кўпчилигига мансуб эртакларда бир нарсанинг уч марта такрорланиши универсал ҳолдаги ретардация ҳисобланади. Умуман, ретардация бадиий усул сифатида асар воқеалари ривожига нисбатан ўқувчида бўлган қизиқишни кучайтиради., ретардация