РАСТВОРЫ БУРОВЫЕ МАЛОГЛИНИСТЫЕ

таркибида гилли фаза кам, зичлиги ва қовушқоқлиги паст бўлган эритмалар. Бундай эритмалар сувли, нефтли ва газли қатламларнинг қатлам босими паст, яъни қудуқдаги чучук сув гидростатик босимидан катта бўлмаганда қўлланилади. Бундай эритмалар барқарорлиги юқори дисперсли бентонитлар ва юқори молекуляр органик кимёвий реагентлар ёрдамида эришилади. Ишқаланиш коеффициентини камайтириш ва мойлаш хоссасини яхшилаш мақсадида унга 5 дан 15% гача нефт қўшилади. К.г.б.э. анъанавий гилли эритмаларга нисбатан қуйидаги афзалликларга эга: 1) қудуқ тубига тушадиган ювувчи суюқлик устуни босимининг камлиги ҳисобига бурғилаш тезлигининг ошиши; 2) гил жинслар сарфининг камайиши; 3) ювувчи суюқлик таннархининг пасайиши; 4) гидравлик қаршиликнинг камайиши; 5) ювувчи суюқлик емириш хусусиятини камайиши; 6) қовушқоқликнинг ва силжиш кучланишининг пасайиши. Бурғилаш чоғида К.г.б.э. қаттиқ фазасининг паст консентрациясини сақлаш лозим, бунинг учун майдаланган жинс зарраларини эритма ичидан чиқариш, паст зичликни (1,04—1,07 г/см³) ошиб кетишига ёʻл қўймаслик керак., Кам гилли бурғилаш эритмалари