РАСТВОРЫ БУРОВЫЕ КАРБОНАТНЫЕ

чўкинди карбонатли жинслар (оҳактош, доломит, мергел) ни сув билан бурғилашда ҳосил бўладиган эритма. Карбонатли жинслар сувда деярли эримайди, шу сабабли уларнинг асосий қисми системада қаттиқ дисперс фаза ҳосил қилади. Тинч ҳолатда карбонат зарралар тез чўкиб зич массани юзага келтиради, сув 12—17 минутда ундан сизиб чиқади. Беқарор карбонатли суспензияни барқарор системага (бошқариладиган хусусиятли дисперс системага) ўтишини ёʻқотиш учун эритмага сирт-фаол моддалар: ҳимояловчи коллоидлар ва фаол қўшимчалар — электролитлар қўшилади. Эритмани барқарор турғинлигини сақлаш мақсадида бундай қўшимчалардан қуйидаги миқдорда қўшилади: 1. Чучук сувли ва кучсиз минераллашган сувли карбонат суспензиялар (хлорли натрий 5% гача) — оҳактош, доломит, мергел; а) кўмир-ишқорли реагент (13:1) — 15—25%; б) шу миқдордаги кўмир ишқорли реагент ва 0,5—1% суюқ шиша. Суюқ шиша эритмани структуравий-механик кўрсаткичларини яхшилаш зарур бўлганда қўшилади; в) сланес смоласини сулфат натрийли тузлари (СНТ) — 1,5—2,5% (чучук сувли суспензияларда); г) СНТ — 1,5—2,5% ва 0,5—1,0% крахмал (кучсиз) минераллашган суспензияларда); д) КМС — 1,5—2,0%. 2. Минераллашган сувли суспензиялар (10—20% хлорли натрий): а) ССБ — 1,5—2,0%, крахмал 1,0—1,5%; б) КМС — 1,0—2,0% ва ССБ — 1,0—2,0%, крахмал — 1,0—1,5% ва КМС — 1,5—2,0%. Карбонатли суспензияларга ушбу реагентлар билан ишлов берилганда бурғилаш жараёнида қудуқда зичлиги 1,2—1,3 г/см³, қовушқоқлиги 16—20, 20—23 с ва сув берувчанлиги 30 минутда 8—3 см³ бўлган карбонатли эритма ҳосил бўлади., Карбонатли бурғилаш эритмалари