raqs

ot 1. Raqqos(a)ning garmonik harakati va holatlari, plastik ifodaviyligi, yuz imo-ishoralari va boshqalar orqali obraz yaratishdan iborat sanʼat turi.

Oʻzbek milliy raqslari. Raqs tarixi.

2. Turli maqomlar bilan bajariladigan ritmik harakat; oyoq oʻyin va shunday oʻyin uchun yozilgan musiqa.

Raqs musiqasi. Raqs(ga) tushmoq. Raqs qilmoq.

Qobil ham qizishib, bilar-bilmas, fargʻonachasiga raqsga tusha boshladi. — H. Nazir, Soʻnmas chaqmoqlar

Shiyponda yengil kuy yangramoqda, xushqad, xushsurat bir juvon raqs tushmoqda. — O. Yoqubov, Diyonat

Bir-biridan shoʻx, bir-biridan oʻynoqi ohanglarga yosh-yalanglar raqs tushishyapti. — Gazetadan

3. Oʻyin, tansa kechasi, bazm.

Raqslar boshlanur, gul oʻyin, chapak, Hunarin koʻrsatar qiz, juvon, xonim. — Gʻ. Gʻulom