raketa

ot 1. Ichidagi zaryadi yonganda osmonga koʻtariladigan, mushakbozlikda yoki harbiy ishlarda signallar berish va kerakli joylarni yoritish uchun qoʻllanadigan snaryad; mushak.

Qishloqning kun botish tomonidagi oʻrmon burchagidan ikki marta oq raketa otildi. — I. Rahim, Chin muhabbat

2. Reaktiv kuch taʼsirida harakatlanadigan uchuvchi apparat.

Tinchlik maqsadida qoʻllanadigan raketalar. Jangovar raketalar.

Kosmonavtikaga raketa texnikasi yoʻl ochdi. — Fan va turmush

Raketa tepaga koʻtarilib, berilgan orbita boʻylab uchish oʻrniga, odamlarning boshi ustida tarillab turaveradi. — Gazetadan