қутқармоқ

фл. 1. Кўнгилсиз, оғир, хавфли ва шу кабилар ҳолдан чиқармоқ, халос қилмоқ.

Азобдан қутқармоқ. Хижолатдан қутқармоқ. Улимдан қутқармоқ. Шарманда бўлишдан қутқармоқ. Тилни тийган бошни қутқарар. — Мақол

Худо хайрингизни берсин мени ташвишдан қутқаринг. — К. Яшин, Ҳамза

2. Бўшатмоқ, чиқариб олмоқ, озод қилмоқ.

Қамоқдан қутқармоқ.

[Отам билан онам:] Тоза шарманда бўлдик. Беш-олти йилга кестириб юборса, сени қандай қилиб қутқариб оламиз? — П. Турсун, Ўқитувчи

3. Халос, хориж қилмоқ.

Ичкиликбозликдан қутқармоқ. Қарздан қутқармоқ.