қуроқ

от 1. Улаб-қураб, бирор нарса ҳосил қилиш учун яроқли мато парчаси.

Бир қатор атторлар эски қоп, яғир шолча, йиртиқ бўз парчаларидан, қизил, оқ, кўк, яшил лахтак қуроқлардан турли-туман соябонлар ясаб, молларини бевосита ернинг ўзига уйиб қўйибдилар. — Ғ. Ғулом, Шум бола

Ўртага новча қизиқчи чиқади. Чопони қизил, кўк, яшил, сариқ қуроқ латталардан ямалган. — Т. Обидов, Юсуфжон қизиқ

2. сфт. Шундай қуроқларни бириктириб тикиб ҳосил қилинган.

Қуроқ дастурхон. Қуроқ ёстиқ.

Раис пешонасидаги оқиб тушаётган терни артиб, қуроқ билан безатилган ёстиққа ёнбошлаб, юзини шабадага бурди. — Ш. Рашидов, Бўрондан кучли

Қирларда қорнинг чоки сўкилган, ҳамма ёқ ола-була қуроқ кўрпага ўхшайди. — Ш. Ғуломов, Инсон қўли гул

Усти-боши юпунди роса, Бор безаги бир қуроқ чопон. Ҳ. Пўлат.

3. сфт. кўчма Майда бўлаклардан иборат, бўлтак-сўлтак, лахтак-лухтак, парча-пурча.

Қуроқ ерлар.

Чўлдан қуроқ ҳам қолдирмабсиз, ота. Ободлик кишининг меҳрини тортиб, ўзига сеҳрлаб қўяди. — А. Хасанов, Чироқлар

от Қиёқнинг қуруқликда ўсадиган бир тури.

Чўлдан қуроқ еб тўйган, Елини сутдан қаппайган Анави чексиз сигирлар Овул ёққа ёʻл олган. — Ғ. Ғулом

от Катта варрак.

Қуроқ ясамоқ. Қуроқ учирмоқ.

Турли ранг ва шаклдаги газмол парчаларидан улаб-қураб ҳосил қилинган нарса.YAMALI BEZ

лоскутный, сшитый из лоскутов, составленный из разных кусков

қуроқ кўрпа лоскутное одеяло

н 1. rag, scrap, shred

2. бот type of sedge

quraq

1. Flicken-

2. Fetzen m, Lappen m