qoramtir

sft. Qoraga moyil, och qora, sal qora.

Qoramtir bulut. Qoramtir tutun.

Chuqur jar tubida qoramtir anhor pishqirib, boʻgʻiq sado taratib oqayotibdi. — H. Gʻulom, Mashʼal

Ariqchalar boʻyi-da oʻtkir hidli, qoramtir yalpizlar, sershox jambillar oʻsgan. — H. Nazir, Soʻnmas chaqmoqlar

Hindularning tuslari qoramtir, koʻz-qoshlari qop-qora boʻladi. — S. Ayniy, Qullar

Abdishukur manglayi tirishgan, koʻzoynakli, etsiz qoramtir yuzi ichiga botgan oriqqina kishi. — Oybek, Tanlangan asarlar