qiynoq

ot 1. Jismoniy yoki ruhiy azob, aziyat, ozor.

Atrofda gʻuv-gʻuv pashsha; oyoqlarga yopishadi, burun kataklariga suqiladi, quloqni uzadi bir zum tinchlik yoʻq. Yoʻlchi soch oldirib boʻlguncha, qiynoq ichida toqatsizlandi. — Oybek, Tanlangan asarlar

Ruhiy azob va mushkul fikrlar qiynogʻida tunning qanday oʻtganini sezmay qoldim. — M. Jabborov, Sevinch yoshlari

2. Qiynash, azoblashning yoʻl-usullari va ularni qoʻllash.

Terisi shilinib, ming azob bilan qiynoqda oʻldirilgan ulugʻ shoir Nasimiy xayolidan oʻtdi. — Mirmuhsin, Meʼmor

Ayniqsa vahshiylarcha qiynoqqa solinganini koʻrganda, dod deb, boʻsh stakanni ekranga otdi. — S. Siyoyev, Yorugʻlik