qitiq

қитиқ

6 ta lugʻatda: Oʻzbekchadan JSON Shevalarda Barcha qidiruv natijalari

Izohli lugʻat

qitiq

ot Teriga, badanga biror narsaning tegishi, qitiqlashi tufayli yuzaga keladigan asabiy sezgi.

Qitigʻi tez odam. Qitigʻi yoʻq odam,

Begimxonning qitigʻi zoʻrligidan oʻzini tutolmay voy! deb yoniga tashlandi. — I. Raxim, Chin muhabbat

Buvasining bir tutamgina soqoli yuziga tegib, [bolaning] qitigʻini keltirib kuldirardi. — S. Anorboyev, Oqsoy

Qitiq pariga (yoki patiga) tegmoq U [Ahmadjon] Aʼzamning tegajoqligini qoralardi: Qitiq parimga tegib nima qilarding! — F. Nasriddinov, Koʻngil
Qitiq parini (yoki patini) yulmoq Men bularning qitiq patini yulib, rom qilib olmoqchiman. — A. Qodiriy, Obid ketmon
Qitigʻiga tegmoq Gʻashini, achchigʻini keltirmoq, gʻashiga tegmoq. Sovuq javob Sodiq aminning qitigʻiga tegdi. — M. Ismoiliy, Fargʻona tong otguncha
Qitigʻini oʻldirmoq 1. Gʻashi, achchigʻi kelmaydigan, choʻchimaydigan qilib qoʻymoq; Bu qoʻl erish koʻrinmasligi, hurkitmasligi uchun hozirdan uning koʻziga issiq koʻrinish, qitigʻini oʻldirish kerak. — A. Qahhor, Sarob