qistamoq

fl. 1. Biror ish-harakat qilishga zoʻr berib undamoq yoki zoʻrlamoq, hol-joniga qoʻymay iltimos qilmoq.

Qalandar yigit bir tilik handalakni iymanib yedi Avazning qistashiga qaramay, qaytib handalakka qoʻl urmadi. — S. Siyoyev, Yorugʻlik

Uning [Sharofatning] moʻljaliga koʻra, Sidiqjon yana qasam ichishi, yur, deb qistashi, hol-joniga qoʻymasligi kerak edi. — A. Qahhor, Qoʻshchinor chiroqlari

2. Zoʻr berib shoshirmoq, qistovga olmoq, oshiqtirmoq.

[Oʻzbek oyim] Toʻyni tez boshlash uchun oʻgʻlini Margʻilon ketmakka qistay boshladi. — A. Qodiriy, Oʻtgan kunlar

Anvar uning sidqidildan gapirayotganini tushundi shekilli, yana qistadi: — Kech boʻlib ketyapti, tur. — Oʻ. Hoshimov, Qalbingga quloq sol

3. Qaytib berishni (qaytarishni) talab qilmoq.

Toʻyda toʻningni qistama. — Maqol

Nokasdan qarz boʻlma — ham yoʻlda qistar, ham goʻrda. — Maqol

Bir kuni musallas suzdim, suzmasam boʻlmas edi, Chunki amakim xumini qistadi. — A. Qahhor, Qanotsiz chittak

4. Tez yurishga undamoq, tezlamoq.

Hoʻkiz kallasini egib, omochni tortishga urinar, qoʻshchi hadeb qistar edi. — M. Ismoiliy, Fargʻona tong otguncha.

Ul ikki yigit sahar vaqti ot qoʻyganicha Chambil yoʻlida qistab yoʻl bosdi. — Boʻtakoʻz

5. shaxs qoʻshimchali soʻzlar bilan Oʻzidan oldin kelgan soʻz bilan ifodalangan ish-harakatni bajarishga kuchli xohish yoki qaytarib boʻlmaydigan talab paydo boʻlganligini bildiradi.

Kulgim qistadi. Bilgisi qistadi. Soʻzlagisi qistadi. Yoʻtalgisi qistayapti. Gʻayratsizning gʻayrati ish bitganda qistaydi. — Maqol

Jahlim qistab, tishlarim gʻijirlab ketdi. — H. Nazir, Yonar daryo

Bilasizmi, koʻngling qoʻmsaganini koʻrging qistaganda koʻrolmasang juda ogʻir. — M. Ismoiliy, Fargʻona tong otguncha.

[Qayumning] Bu harakatidan achchigʻim qistadi. — A. Qodiriy, Oʻtgan kunlar

Biror ish-harakat qilishga zoʻr berib undamoq yoki zoʻrlamoq, hol-joniga qoʻymay iltimos qilmoq.ACELE ETTİRMEK, SIKIŞTIRMAK

1. торопить, поторапливать

2. понуждать, заставлять, настойчиво упрашивать

n 1. hurry, hasten

2. accelerate, speed up

qıstaw, asıqtırıw, zorlaw

1. drängen vt, antreiben vt, anspornen vt, zur Eile antreiben

2. verlangen vt, fordern vt

ruschaторопить, понуждать, настойчиво упрашиватьinglizchato urge, to persist, to force forwardfransuzchahâter, presser, accélérer, forcer, avoir enviearabchaأَسْرَعَ, اِسْتَعْجَلَ