қин

qin

1 та луғатда: Изоҳли яна 6 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

қин И

от 1. Пичоқ, қилич каби қуроллар солиб қўйиладиган ғилоф.

Пичоқ қини. Бир қинга икки қилич сиғмас. — Мақол

Яхши гап билан илон инидан чиқар, Ёмон гап билан пичоқ қинидан чиқар. — Мақол

Диловаршоҳ қиличини қинидан суғуриб, қизга ҳужум қилмоқчи бўлди. — С. Айний, Дохунда

Ҳар бир маҳбус, қинда ётган даҳшатли тўппончадан ўз пешонасига ўқ узилаётгандек, ваҳимага тушиб қолди. — М. Исмоилий, Фарғона тонг отгунча

2. Тугунакни ўраб турувчи баргсимон қобиқ, куртак, ғилоф.

Довучча қинидан чиқибди.

Баҳор эди Ўриклар гулини тўккан, ғўралар қинидан чиқиб, киши еса маза топадиган бўлиб қолган. — Ойдин, Садағанг бўлай, командир.

Кўзи қинидан чиқмоқ Кўзи олайиб кетмоқ, кўзи ола-кула бўлмоқ Даҳшатли хабарни эшитган Махдумнинг кўзлари қинидан чиқиб кетаёзди. — Ҳ. Ғулом, Машъал

қин ИИ

от Қизлик пардасидан бошланиб, бачадон бўйни ёпишадиган жойда тугайдиган найсимон, мускулли эластик аъзо.