қатра

от 1. Суюқликнинг зарралари тортишуви натижасида шарча шаклини олган алоҳида кичик бўлаги; томчи.

Бир қатра сув. Қатра қолдирмай ичмоқ. Оз-оздан ўрганиб, доно бўлур, Қатрадан кўпайиб, дарё бўлур. — Мақол

У оҳу кўзлар Анбар ҳидли қатралар тўкди, Юзда қолиб биллурин излар, Чаманларга олмослар чўкди. — М. Шайхзода.

Хирург стакандан чой ҳўплар, унинг пешонасида майда тер қатралари йилтирар эди. — С. Аҳмад, Қадрдон далалар

2. кўчма Оз миқдор, озгина, жиндай.

Қатра ҳам уни ёʻқ экан, олдимга ярим стакан қатиқ қўйди. — О. Ҳусанов, Чўлда

Эй дунёйи бевафо! Қаҳрингдан ҳамманинг бағри қон, кўнгли паришон. Шу йигитдан бир қатра бахтни олдингми — ? Ойбек, Танланган асарлар

Унда нуқул салобат билан қаҳрамонлик қайнайди-ю, назокатдан қатра ёʻқ. — Шуҳрат, Шинелли йиллар