қасмоқ

сфт. 1. Уст-бошга ўтирган қалин кир қатлами, қатирма кир.

Енглари бир эллик қасмоқ. Қасмоқ сочиқ.

Шунча юриб, нима орттирдинг? Мана шу жулдур чопон билан қасмоқ дўппиними? — С. Аҳмад, Қадрдон далалар

ёрғоқ бошига ёғ босган қасмоқ дўппини бостириб кийиб юрадиган бу одам — А. Ибодинов, Латофат дўконидаги қатл

2. айн. Қазғоқ 1.

Болалигимда Оппон деган бир ўртоғим бўларди. Сира бошидан қасмоқ аримасди. — С. Аҳмад, Сайланма

Бошлари қасмоқ боғлаган, оёқ яланг болалар сопол косаларда қаймоқ олиб ўтадилар. — Ғ. Расул, Адолат

3. Бирор нарсанинг қотиб қолган устки қатлами; қатқалоқ.

Шўри қалин қасмоқ бўлиб ётган бу ер ўтган йили баҳорда инсон қадами тегмагандай эди. — Й. Шамшаров, Ойдин кўллар