қашимоқ
qashimoqқашимоқ
фл. Бирор жойнинг қичишини енгиллаштириш ёки босиш учун нарса ёки тирноқ ва шу кабилар билан тирнамоқ, қичимоқ.
У [Қудрат] кўзини қисиб, ручканинг думи билан пешонасини қашиб, узоқ ўйлади. — Ҳ. Назир, Сўнмас чақмоқлар
Баққол харидор кутиб, оппоқ соқолини қашиб ўтиради, кўзлари ўтган-кетганда. — Шарқ юлдузи
— Қийин Оғайни, қийин, — деди иягини қашиб ошпаз солдат. — З. Фатхуллин, Сўнмас юлдуз
Улар [чумчуқлар] бир-бирларини қувишиб ўйнашар патларини, қанот тагларини қашиб-қашиб қўяр эдилар. — М. Исмоилий, Фарғона тонг отгунча
- Бош қашишга (ёки қашигани) вақт ёʻқ Мартенчиларнинг бош қашигани вақтлари ёʻқ: улар кўпдан кутилган машиналарни монтаж қилишлари, уларни тездан ишга солишлари керак — Н. Сафаров, Саодатнинг қиссасиМайли, экканлар экиб, тикканлар тикаверсин, бошимизни қашишга қўл тегмайди-ю — Ш. Рашидов, Бўрондан кучли
- Бошини қашимоқ Хижолатли, ноқулай шароитга тушганда ёки бирор хаёлга борганда, ўй сурганда, қўлни бошга юбориб, қашишга ўхшаш ҳаракатлантириш ҳолатини билдиради. Машраб хижолат чекиб, бошини қашиди. — О. Ёқубов, Эр бошига иш тушсаГап шу ерга келганда, Берди Аминовичнинг нафаслари ичларига тушиб, кўрсаткич бармоқлари билан бошларини қашиб қолдилар. — МуштумБошин қашиб бир нафас, Ботди оғир хаёлга. — Ғайратий