ПСИХОФИЗИКА

sezgi organlari psixofiziologiyasidagi oqim. Uning vakillari qoʻzgʻovchi kuchi bilan sezgi miqdori oʻrtasidagi matematik nisbat qonunlarini belgilashga intilganlar. Mas., fransuz fizigi P. Buger (1698—1758) koʻruv sezgilaridagi farq chegarasi nisbiy miqdorining doimiyligini birinchi boʻlib aniqlagan. Soʻngra bu tadqiqotni nemis fiziologi E. Veber (1795—1878) davom ettirib, xuddi shu faktni teri—harakat sezgilari va koʻz bilan chamalash orqali aniqladi. Nihoyat, nemis faylasufi va fizigi G. Fexner (1801—1887) sezgining miqdoriy xarakteristikasini oʻrganishga cheksiz kichik miqdorlarni hisoblash usulini tadbiq qilib, qoʻzgʻovchi kuchi bilan sezgi miqdori oʻrtasidagi logarifmik qiyoslash qonunini ochdi (q. Veber—Fexnera zakon). P. ning asosiy kamchiligi shundan iborat ediki, u murakkab psixik protsesslarni, avval ularning fiziologik qonuniyatlarini oʻrganmagan holda, fizik va psixik hodisalar oʻrtasidagi faqat sof matematik nisbatlarni aniqlash yoʻli bilangina oʻrgandi., psixofizika