Псевдоним

Biror ijodkorning oʻzi uchun tanlab olgan ikkinchi nomi. Badiiy adabiyotda juda ham koʻp xalqlarda keng tarqalgan taxallus qoʻllash anʼanasi oʻz xarakteriga koʻra turlicha boʻladi. Masalan: allonim — boshqa shaxsning nomi tarzida olingan taxallus; anagramma — ijodkor ismidagi harflar oʻrnini almashtirish orqali olingan taxallus (Xariton Makentin — Atiox Kantemir); ananim — oʻz ismi va familiyasini teskarisiga oʻqish tarzida olingan taxallus (Navi Volirk — Ivan Krilov), astronim — turli yulduzchalar shaklida qoʻyiladigan taxalluslar; kriptonim — ijodkorning ism va familiyasining bosh harflaridan yoki shu mazmunni ifodalovchi istalgan harflardan iborat taxallus va h.k. Ayrim shaxslar faqat taxallus bilan yuritiladi. Masalan, V. I. Lenin — V. Ulyanov, Alisher Navoiy — Alisher Gʻiyosiddin oʻgʻli, Stendal — Anri Beyl, M. Gorkiy — A. M. Peshkov, N. Shedrin — M. Ye. Saltikov, Anatol Frans — Jan Anatol Tibo va h.k. Sharq sanʼati va adabiyoti namoyandalari, katta olimlari oʻzlariga turli narsalarga ishora tarzida taxallus olishgan. Masalan, turli sifatlarga nisbatan — Ulugʻbek (Muhammad Taragʻay), Navoiy, Lutfiy, Bobir; shaxsning tugʻilgan va yashagan joyiga nisbatan — Sharafiddin Ali Yazdiy, Ahmad Al Fargʻoniy, Al Xorazmiy, Badriddin Chochiy, Abdurahmon Jomiy, Qobuliy, Sheroziy, Uloyi Shoshiy, Kamol Xoʻjandiy; turli qush, sayyora yoki narsalarga nisbatan Badriddin Hiloliy, Kavka-, taxallus